777. stjórnarfundur SSS 16. mars 2022

Árið 2022, er fundur haldinn í stjórn Sambands sveitarfélaga á Suðurnesjum miðvikudaginn 16. mars, kl. 8:00 í fundarsal Sambands sveitarfélaga á Suðurnesjum, Skógarbraut 945, 262 Reykjanesbær

Mætt eru: Laufey Erlendsdóttir, Hjálmar Hallgrímsson, Ingþór Guðmundsson, Kolbrún Jóna Pétursdóttir og Berglind Kristinsdóttir sem jafnframt ritaði fundargerð.

Ingþór Guðmundsson setti fund og bauð fundarmenn velkomna á fundinn.

Dagskrá:

1. Vorfundur Sambands sveitarfélaga á Suðurnesjum Stjórn S.S.S. samþykkir að halda vorfund sinn föstudaginn 29.apríl, kl. 14:00 en fundurinn verður unninn í samstarfi við Kölku ehf. þar sem fundarefnið verður breytingar á úrgangsmeðhöndlun. Stjórn S.S.S. býður öllum frambjóðendum til sveitarstjórna á Suðurnesjum á fundinn. Framkvæmdastjóra S.S.S. falið að vinna verkefni áfram á milli funda.Auk þess er lagt til að aðalfundur Sambands sveitarfélaga á Suðurnesja verði haldinn daganna 16.-17. september 2022.
2. Bréf dags. 17.02.2022 frá Reykjavíkurborg, v. uppbygging hjólaleiðar milli Reykjavíkur og Keflavíkurflugvallar. Stjórn S.S.S. fagnar erindinu og finnst mikilvægt að byggja upp hjólreiðastíg á milli Keflavíkurflugvallar og Reykjavíkur. Jafnframt tilnefnir stjórn S.S.S. Ingþór Guðmundsson sem sinn fulltrúa í vinnuhóp vegna uppbyggingar hjólaleiðar milli Reykjavíkur og Keflavíkurflugvallar.
3. Fundargerð stýrihóps Stjórnarráðsins um byggðamál nr. 78, dags. 07.02.2022. Lagt fram.
4. Fundargerð Þekkingarseturs Suðurnesja nr. 40, dags. 02.12.2021. Lagt fram.

Fleira ekki gert og fundi slitið kl. 8:35