2017

Rafrænt umsóknarferli Uppbyggingarsjóðs orðið virkt

Rafrænt umsóknarferli Uppbyggingarsjóðs Suðurnesja er orðið virkt en umsóknarfrestur er til 9. nóvember.

Umsóknarferlið er nýjung og unnið í samstarfi allra landshluta sem veita styrki úr Uppbyggingarsjóði. Er vonast til að rafræna ferlið muni auðvelda umsóknarvinnu til muna en að auki safnast umsóknarsaga umsækjenda fyrir á einum stað.

Hér má nálgast umsókn í Uppbyggingarsjóð Suðurnesja 2018.

Nemakort komin í sölu - haustönn

Nemendur með lögheimili á Suðurnesjum geta nú keypt sér Nemakort hjá Strætó. Kortið gildir fyrir eina önn innan svæðis á Suðurnesjum og á höfuðborgarsvæðinu.

Nemendakortið kostar kr. 84.000 sem leggja þarf inn á reikning Sambands sveitarfélaga á Suðurnesjum, reikningsnúmer: 0142-26-11546 á kennitölu: 6404790279.

Hljóðmælingar við Grænás nú aðgengilegar á vef Isavia

Isavia hefur opnað fyrir niðurstöður mælinga við Grænás á áhrifum flugumferðar á íbúa og byggð.  Á vef þeirra geta íbúar fylgst með hljóðstigi frá flugumferð á rauntíma og gert betur grein fyrir því í ábendingum hvaða flug skapa ónæði, segir á heimasíðu Isavia.  Á íbúafundi sem Isavia hélt um miðjan maí sl. kom fram að mælistöðvar yrðu þrjár í Reykjanesbæ, ofan við Eyjabyggð og við Háaleitisskóla til viðbótar við Grænás. Um er að ræða fyrsta fasa kerfisins sem hefur verið settur í loftið, en í fasa tvö verða flugupplýsingar tengdar við hljóðmælingarnar.

Tafir á umsókn Uppbyggingarsjóðs

Vegna tæknilegra örðugleika verða frekari tafir á nýju rafrænu umsóknarferli Uppbyggingarsjóðs Suðurnesja. 
Gert er ráð fyrir að eyðublaðið verði orðið virkt í dag.

Aðalfundur Sambands sveitarfélaga á Suðurnesjum 2017

FUNDARBOÐ

AÐALFUNDUR SAMBANDS SVEITARFÉLAGA Á SUÐURNESJUM

 

Aðalfundur Sambands sveitarfélaga á Suðurnesjum verður haldinn dagana 29. og 30. september 2017 í Fjölbrautaskóla Suðurnesja, Reykjanesbæ. Allir kjörnir bæjarstjórnarmenn á sambandssvæðinu eiga rétt til fundarsetu á aðalfundinum.  Ennfremur bæjarstjórar með málfrelsi og tillögurétti.

Hjálögð er dagskrá fundarins.

 

Suðurnesjum, 13. september 2017.

f.h. stjórnar S.S.S. 

 

Berglind Kristinsdóttir
Framkvæmdastjóri.

 

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar