Byggðarstofnun - Brothættar byggðir

Byggðastofnun hefur uppfært verkefnislýsingu fyrir Brothættar byggðir.  Byggðastofnun var með stefnumótandi byggðaáætlun fyrir 2014-2017 falið að halda áfram með verkefnið Brothættar byggðir. Markmið aðgerðarinnar er að stöðva viðvarandi fólksfækkun í smærri byggðakjörnum og í sveitum landsins. Í verkefnislýsingunni er gefin forskrift að framkvæmd þess í einstökum byggðarlögum. Auk þess sem umgjörð og stöðu verkefnisins er lýst.

Umhverfisviðurkenningin Kuðungurinn 2015

Úthlutunarnefnd á vegum umhverfis-og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári er þess verðugt að hljóta umhverfisviðurkenninguna Kuðunginn fyrir árið 2015. Óskað er eftir því að stutt greinargerð fylgi með tilnefningunni. Fyrirtæki og stofnanir geta bæði tilnefnt sig sjálf eða verið tilnefnd af öðrum. Tillögur skulu berast umhverfis-og auðlindaráðuneytinu eigi síðar en miðvikudaginn 23. mars nk.

Óskað eftir tilnefningum um handhafa Landstólpans

Á ársfundi Byggðastofnunar sem haldinn verður í Miðgarði í Varmahlíð föstudaginn 15. apríl n.k. verður í sjötta sinn veitt viðurkenning undir heitinu „Landstólpinn – Samfélagsviðurkenning Byggðastofnunar“.

Landstólpinn er veittur einstaklingi, fyrirtæki eða hóp/verkefni á vegum fyrirtækis eða einstaklinga, fyrir framtak sem vakið hefur athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags.

Strætó ekur alla páskadagana

Strætó mun aka alla páskadagana. Yfir hátíðisdagana verður ekið samkvæmt hefðbundinni sunnudags áætlun.

Ísland ljóstengt - Opið fyrir styrkumsóknir frá sveitarfélögum

Opið er fyrir styrkumsóknir frá sveitarfélögum utan höfuðborgarsvæðisins og Reykjaness til uppbyggingar á ljósleiðararkerfum utan þéttbýlis.

Ísland ljóstengt er landsátak í uppbyggingu ljósleiðarakerfa í dreifbýli utan markaðssvæða. Markmiðið er að 99,9% þjóðarinnar eigi kost á 100 Mb/s þráðbundinni nettengingu árið 2020. Fjarskiptasjóður, fyrir hönd innanríkisráðuneytisins, hyggst styrkja sveitarfélög um samtals 450 milljónir króna vegna styrkhæfra framkvæmda á þeirra vegum árið 2016.

Erasmus+ samstarfsverkefni

Opið er fyrir umsóknir um Erasmus+ samstarfsverkefni á leik-, grunn-og framhaldsskólastigi. Þeir sem geta sótt um eru leik-, grunn-og framhaldsskólar, tónlistar-og listnámsskólar sem kenna eftir viðurkenndum námskrám. Skólayfirvöld, sveitarfélög og aðrir lögaðilar sem koma að menntun á þessum skólastigum geta sömuleiðis tekið þátt í samstarfsverkefnum. Í skólahluta Erasmus+ er hægt að sækja um þrenns konar samstarfsverkefnisstyrki.

Uppbyggingarsjóður Suðurnesja - Úthlutun styrkja 2016

Uppbyggingarsjóður Suðurnesja hefur úthlutar styrkjum fyrir árið 2016. Sjóðurinn er byggður á samningi um Sóknaráætlun Suðurnesja fyrir árin 2015 – 2019, sem Atvinnu- og Nýsköpunarráðuneytið, Mennta- og Menningarmálaráðuneytið og Samband Sveitafélags Suðurnesjum hafa gert með sér.

Vetrarfundur Sambands sveitarfélaga á Suðurnesjum

Vetrarfundur Sambands sveitarfélaga á Suðurnesjum verður haldinn föstudaginn 18.mars 2016, í Miðgarði, sal Gerðaskóla í Garði.  Fundurinn hefst kl. 15:00 með skráningu og kaffi.  Gert er ráð fyrir því að fundinum ljúki kl. 18:30. Dagskrá fundarins er að finna í viðhengi.

Flutningsjöfnunarstyrkur

Á heimasíðu Byggðastofnunar hefur verið opnað fyrir umsóknir vegna flutninga ársins 2015.

Þeir sem geta sótt um eru einstaklingar og lögaðilar sem uppfylla eftirfarandi skilyrði:

Málþing og námskeið um jafnrétti í sveitarfélögum

Samband íslenskra sveitarfélaga boðar á heimasíðu sinni, til málþings og námskeiðs undir yfirskriftinni Jafnrétti í sveitarfélögum, í samstarfi við Jafnréttisstofu og jafnréttisráð. Hvoru tveggja fer fram á Grand hóteli í Reykjavík, málþingið fimmtudaginn 31. mars og námskeiðið föstudaginn 1. apríl.

Viðburðirnir eru skipulagðir með vísun til stefnumörkunar Sambands íslenskra sveitarfélaga kjörtímabilið 2014-2018 þar sem segir að sambandið skuli hvetja og styðja sveitarfélögin í því að ná fram jafnrétti kynjanna í reynd.

Pages

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar