714. stjórnarfundur SSS 12. apríl 2017

Árið 2017, er fundur haldinn í stjórn Sambands sveitarfélaga á Suðurnesjum miðvikudaginn 12. apríl, kl. 8:00 á skrifstofu S.S.S., Skógarbraut 945, Reykjanesbæ.

Mætt eru:

Einar Jón Pálsson, Kolbrún Jóna Pétursdóttir, Guðmundur Pálsson, Ólafur Þór Ólafsson, Ingþór Guðmundsson og Berglind Kristinsdóttir sem jafnframt ritaði fundargerð.

1. Bréf dags. 13.03.2017 frá Innanríkisráðuneytinu.  Efni: Tvöföldun Reykjanesbrautar.

Lagt fram.

2. Bréf dags. 03.04.2017 frá Ernu M. Sveinbjarnardóttir f.h Öldungaráðs Suðurnesja.

Efni: Erindi frá Öldungaráði Suðurnesja.

Stjórn S.S.S. tekur undir áhyggjur Öldungaráðs Suðurnesjum er snúa að uppbyggingu hjúkrunarrýma á Suðurnesjum.  Stjórn S.S.S. hefur fundað með fyrrverandi heilbrigðisráðherra um málið og mun óska eftir fundi með nýjum ráðherra til að fara yfir stöðuna.  Framkvæmdastjóra falið að bjóða fulltrúum stjórnar Öldungaráðs Suðurnesja á fund stjórnar.

3. Tillögur frá Aðalfundi eldri borgara, e.d., merktar tillaga 1 og 2.

Lagt fram.

4. Sóknaráætlun Suðurnesja – greinargerð vegna námskynningar á Suðurnesjum 2017.

Stjórn þakkar góða greinargerð vegna námskynningar á Suðurnesjum sem haldin var 2.mars.  Þekkingarsetur Suðurnesja hefur leitt verkefnið fyrir hönd Sambands sveitarfélaga á Suðurnesjum en verkefnið er eitt af áhersluverkefnum Sóknaráætlunar Suðurnesja.  Alls sóttu 528 nemendur af Suðurnesjum kynninguna.

5. Fundargerð Vorfundar landshlutasamtaka sveitarfélaga – dags. 23.03.2017.
    a. Kynningarglærur frá Strætó b.s.

Lagt fram.

6. Fundargerð um leiguhúsnæði – dags. 27.03.2017.

Framkvæmdastjóra falið að vinna málefnið áfram og óska eftir upplýsingum frá Sambandi íslenskra sveitarfélaga.


7. Fundargerð Vetrarfundar S.S.S., dags. 31.03.2017.

Lögð fram.

8. Fundargerð Heklunnar nr. 55, dags. 24.02.2017. 

Lögð fram.

9. Aðalfundur S.S.S. – undirbúningur.

Stjórn S.S.S. ræddi fundinn.  Framkvæmdastjóra falið að vinna málið áfram.

10. Önnur mál.

  • Stjórn S.S.S. samþykkir að tilnefna Einar Jón Pálsson sem sinn fulltrúa í stjórn Keilis.  Einar Jón Pálsson fer jafnframt með atkvæði Sambands sveitarfélaga á Suðurnesjum á aðalfundi Keilis.
  • Aðalfundur Þekkingarsetur Suðurnesja verður haldinn 3. maí.  Tilnefningar stjórnar S.S.S. í stjórn Þekkingarseturs Suðurnesja eru óbreyttar.

Næsti fundur stjórnar verður miðvikudaginn 10. maí kl. 8:00


Fleira ekki gert og fundi slitið kl.9:30.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar