697. fundur S.S.S 10.nóvember 2015

Árið 2015, er fundur haldinn í stjórn Sambands sveitarfélaga á Suðurnesjum þriðjudaginn 10. nóvember, kl. 08:00 á skrifstofu S.S.S. Skógarbraut 945, Reykjanesbæ.

Mætt eru: Einar Jón Pálsson, Kolbrún Jóna Pétursdóttir, Guðmundur L. Pálsson, Ólafur Þór Ólafsson, Ingþór Guðmundsson og Berglind Kristinsdóttir sem
jafnframt ritaði fundargerð.

Dagskrá:.

1. Málefni eldri borgara – Gestir fulltrúar Öldungaráðs Suðurnesja:
o Eyjólfur Eysteinsson formaður, Reykjanesbæ
o Erna Marsibil Sveinbjarnardóttir, varaformaður, Garði
o Sigurður Jónsson ritari, Garði
o Jóngeir H. Hlinarsson, gjaldkeri, Vogum
o Jórunn Guðmundsdóttir, meðst. Sandgerði
o Magnús M. Magnússon, meðst. Sandgerði
o Sólveig Þórðarson, meðst. Reykjanesbæ

Bréf dags. 15.10.2015 frá Öldrunarráði Suðurnesja var lagt fram. Öldungaráð Suðurnesja leggur áherslu á fjölgun hjúkrunarrýma og mörkuð verði stefna um uppbyggingu hjúkrunarrýma til framtíðar.  Jafnframt leggur Öldrunarráðið áherslu á að samþætta þjónustu við aldraðra. Samvinna er mikilvæg á milli sveitarfélaganna og Heilbrigðisstofnun Suðurnesja. Hún væri í formi teymisvinnu sem hefði aðstöðu í hverju sveitarfélagi og gerður væri formlegur samningur á milli aðila.  Telur Öldrunarráðið að mikilvægt sé að allir stefni í sömu átt og forgangsraðað verði til framtíðar.  Ráðið leggur til að það fái aðkomu að fjárhagsáætlun sveitarfélaganna, það verði upplýst um hugmyndir og tillögur í fjárhagsáætlun, sem varða okkur eins og segir í samþykktum Öldungaráðs.  Öldungaráðið vekur athygli á því að umsóknarfrestur í framkvæmdasjóður aldraðra rennur út þann 15.janúar 2016.

2. Áskorun til ráðherra og alþingismanna – sameiginleg frá öllum landshlutasamtökum.
Áskorunin var áður send í tölvupósti til stjórnar S.S.S. og staðfestir stjórnin áskorunina. 

3. Fundargerð Heklunnar nr 46, dags. 22.10.2015.
Stjórn S.S.S. óskar eftir að fá nánari sundurliðun samsetningu þeirra sem eru á atvinnuleysisskrá.  Framkvæmdastjóra falið að óska eftir því að fulltrúi Vinnumálastofnunar komi á næsta fund stjórnar.

4. Fundargerð Reykjanes Geopark nr. 21, dags. 22.10.2015
a. Afrit af bréfi til Fjárlaganefndar Alþingis v. landvörslu á Reykjanesskaga.
b. Afrit af bréfi til Umhverfis- og auðlindarráðherra v. landsvörslu á Reykjanesskaga.
c. Starfs- og fjárhagsáætlun Reykjanes Geopark v. 2016
Lagt fram.

5. Bréf dags. 22.10.2015 frá Sveitarfélaginu Vogum v. þjónustusamnings um málefni fólks með fötlun.
Lagt fram.

6. Bréf dags. 17.10.2015 frá Jöfnunarsjóði sveitarfélaga, tilv. IRR15060005/18/10.6.
Lagt fram.

7. Önnur mál
Stjórn S.S.S. samþykkir að senda út óbreytta fjárhagsáætlun S.S.S. og samrekinna stofnanna vegna ársins 2016 sem samþykkt var á stjórnarfundi þann 21.október s.l.

Stjórn S.S.S. leggur áherslu á að merkingar á framkvæmdasvæðum Vegagerðarinnar á Suðurnesjum verði bættar til að gæta fyllsta öryggis. 

Fleira ekki gert og fundi slitið kl. 10:00.

Næsti fundur stjórnar verður miðvikudaginn 16.desember, kl. 8:00.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar