670 fundur SSS 16. janúar 2014

Árið 2013, er fundur haldinn í stjórn Sambands sveitarfélaga á Suðurnesjum fimmtudaginn 16. janúar, kl. 17:00 á skrifstofu S.S.S., Skógarbraut 945, Reykjanesbæ.

Mætt eru:Ásgeir Eiríksson, formaður, Gunnar Þórarinsson, Ólafur Þór Ólafsson, Bryndís Gunnlaugsdóttir Holm, Einar Jón Pálsson og Berglind Kristinsdóttir sem jafnframt ritaði fundargerð.


Dagskrá:

1. Almenningssamgöngur á Suðurnesjum.
– Gestir Unnar Steinn Bjarndal, Hafliði Jónsson, Birna Magnúsdóttir og Einar Kristjánsson.

a) Hafliði Jónsson frá VSÓ, Birna Magnúsdóttir og Einar Kristjánsson frá Strætó b.s. fóru yfir stöðu mála í ljósi þeirrar stöðu sem nú er komin upp vegna riftunar Vegagerðarinnar á hluta samningsins um almenningssamgöngur við S.S.S. 
Seinni hluti útboðsins er í algjöru uppnámi vegna þessa.  Sá hluti var boðinn út sem hluti af heildstæðu almenningssamgangnakerfi á Suðurnesjum en ljóst er að forsendur útboðsins eru brostnar.

Stjórn S.S.S. samþykkir því að afturkalla útboðið sem nú er í gangi og opna á þann 12. febrúar. Fulltrúum Strætó b.s. og VSÓ falið að hefja undirbúning að nýju útboði.

b) Erindi frá Vegagerðinni dags, 13.janúar 2014, svar við bréfi S.S.S. dags. 30.12.2013.  Unnar Steinn Bjarndal lögmaður S.S.S. kynnti stjórn innihald bréfsins. 

Stjórn S.S.S. telur að niðurfelling Vegagerðarinnar á einkaleyfinu sé ólögmæt og kann Vegagerðin að hafa bakað sér skaðabótaskyldu gagnvart S.S.S.  Lögmönnum S.S.S. er falið að gæta hagsmuna sambandsins gagnvart stjórnvöldum og öðrum hagsmunaaðilum vegna málsins. Lögmönnum S.S.S. er falið að undirbúa málarekstur gagnvart stjórnvöldum til að skera úr um lögmæti ákvörðunar Vegagerðarinnar og eftir atvikum krefjast bóta.

2. Tölvupóstur dags. 09.01.2014 frá Páli Guðjónssyni f.h. SSH, beiðni um tilnefningu í samráðshóp vegna svæðisskipulags höfuðborgarsvæðisins.
Stjórn S.S.S. tilnefnir þá Ólaf Þór Ólafsson og Guðlaug H. Sigurjónsson í samráðshóp v. svæðisskipulags höfuðborgarsvæðisins.

3. Tölvupóstur dags. 08.01.2014 frá Hjálmari Árnasyni vegna beiðni um þátttöku i umhverfismálum á Ásbrú.
Stjórn S.S.S. fagnar frumkvæðinu en verkefnið er ekki á vettvangi S.S.S.

4. Fundargerð Heklunnar nr. 31, dags.06.12.2013.
Lögð fram.

5. Drög að starfsáætlun Sambands íslenskra sveitarfélaga 2014.
Lögð fram.

6. Starfsáætlun S.S.S. á vormánuðum.
a. Vetrarfundur S.S.S. (umræðuefni og dagsetning)
Rætt af stjórn S.S.S.
b. Undurritun ársreiknings 2013.
Stefnt er að því að ársreikningur S.S.S. verði tilbúinn til undirritunar um mánaðarmótin mars-apríl 2014.
c. Dagsetning aðalfundar S.S.S., haustið 2014.
Ákveðið að aðalfundur S.S.S. verði haldinn daganna 5.-6.september 2014 í sveitarfélaginu Vogum.

7. Önnur mál.

Fleira ekki gert og fundi slitið kl. 18:47.
 

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar