395. fundur SSS 14. desember 1995

 Árið 1995 er fundur haldinn í stjórn Sambands sveitarfélaga á Suðurnesjum fimmtudaginn 14. desember kl. 15.00.

Mætt eru:  Óskar Gunnarsson, Drífa Sigfúsdóttir, Hallgrímur Bogason, Jón Gunnarsson, Sigurður Jónsson, Guðjón Guðmundsson og Jóhanna M. Einarsdóttir ritari.

Dagskrá:

1. Fundargerð Bláfjallanefndar frá 30/11 1995 lögð fram.

2. Fundargerð Ferðamálasamtaka Suðurnesja frá 12/10 1995 lögð  fram.

3. Bréf dags. 28/11 1995 frá Ragnari Stefánssyni, Veðurstofu Íslands. Samhljóða erindi vísað til S.S.S. frá bæjarráði Reykjanesbæjar dags. 7/12 1995, þar sem óskað er eftir framlagi til kaupa á nýjum jarðskjálftamælastöðvum.  Afgreiðslu frestað.

4. Bréf (afrit) dags. 23/11 1995 frá Sigurði Jónssyni sveitarstjóra þar sem hreppsnefnd Gerðahrepps m.a. mótmælir því eindregið að ríkisstjórnin skuli án alls samráðs við sveitarfélögin  taka einhliða ákvörðun um skattfrelsi lífeyrisgjalda.  Lagt fram.

5. Bréf dags. 23/11 1995 frá Sigurði V. Ásbjarnarsyni bæjarstjóra þar sem bæjarráð Sandgerðis varar við hugmyndum um að taka samningagerðina heim og taka umboðið af Launanefnd sveitarfélaga.  Lagt fram.

6. Frísvæði á Suðurnesjum, nóv 1995. 
Lokaskýrsla framkvæmdanefndar um stofnun frísvæðis á Suðurnesjum til utanríkisráðherra.
Ákveðið að fá formann nefndarinnar og fulltrúa stjórnar S.S.S. í nefndinni á fund stjórnar S.S.S.

7. Samgöngumál.
Umræðu frestað.

8. Atvinnuþróun - uppgjör við AS, FSS og MOA.
Umræðu frestað.

9. Sameiginleg mál.
Rætt um fyrirhugaðan fund um D-álmu sem haldinn verður í kvöld kl. 20.30 á Flug hóteli.
Samþykkt að heimila framkvæmdastjóra að kaupa nýjan bókhaldshugbúnað sem áætlað er að taka í notkun í upphafi næsta árs þar sem fjármunir eru fyrir hendi á þessu fjárhagsári.

10. Formaður og framkvæmdastjóri H.E.S. komu á fundinn vegna erindis frá S.S.S. um eyðingu refa, minka og vargfugls sbr. fyrri fundi S.S.S., 31/8 1995.  Ákveðið að heilbrigðiseftirlitið leggi fram hugmynd að skipulagi.

11. Markaðs og atvinnumálaskrifstofa.
Friðjón Einarsson kom á fundinn og gerði grein fyrir starfi skrifstofunnar.

Fleira ekki gert og fundi slitið kl. 17.10.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar