382. fundur SSS 6. júlí 1995

 Árið 1995 er fundur haldinn í stjórn Sambands sveitarfélaga á Suður-nesjum fimmtudaginn 6. júlí kl. 15.00.

Mætt eru:  Hallgrímur Bogason, Sigurður Jónsson, Kristbjörn Albertsson, Óskar Guðmundsson, Drífa Sigfúsdóttir, Jón Gunnarsson, Guðjón Guðmundsson og Jóhanna M. Einarsdóttir ritari.

Dagskrá:

1.  Fundargerð stjórnar D.S. frá 28/6 1995, lögð fram.

2. Fundargerð stjórnar H.E.S. frá 28/6 1995, lögð fram.

3. Fundargerð fjárhagsnefndar S.S.S. frá 29/6 1995, lögð fram og samþykkt.

4. Fundargerðir Ferðamálasamtaka Suðurnesja frá 26/4, 10/5 og 29/5 1995, lagðar fram.

5. Fundargerð formanna og framkvæmdastjóra landshlutasamtakanna frá 11/6 1995, lögð fram.

6. Framlög til sýsluvega (samrit) frá Sambandi ísl. sveitarfélaga dags. 27/6 1995 varðandi skerðingu sýsluvegasjóðs.  Stjórnin tekur undir með Sambandi ísl. sveitarfélaga.

7. Aðalfundur S.S.S. 1995.
Ákveðið að fundurinn verði 13. og 14. október í Grindavík.

8. Málefni D.S. (endurbætur aðstöðu) sem rædd hafa verið á stjórnarfundum S.S.S. að undanförnu, sbr. 10. mál á síðasta fundi.

Stjórn S.S.S. hefur að undanförnu fjallað um fyrirvara hreppsnefndar Vatnsleysustrandarhrepps við fjárhagsáætlun sameiginlega rekinna stofnana fyrir árið 1995 er varðar viðbætur á aðstöðu vistmanna og starfsfólks á Garðvangi sbr. bréf þeirra dags. 16. mars 1995.
Í framhaldi af bréfi hreppsnefndar Vatnsleysustrandarhrepps dags. 18. maí 1995 og hreppsnefndar Gerðahrepps 13. júní s.l. og umræðum á stjórnarfundi S.S.S. þann 22. júní s.l. var framkvæmdastjóra S.S.S. falið að leita lausnar á málinu.  Framkvæmdastjóri hefur rætt við ýmsa aðila er málið varðar og leggur til eftirfarandi:
Að skipuð verði verði þriggja manna nefnd sem færi  yfir öldrunarmál á Suðurnesjum og leggði fram tillögur um heilstæða framtíðarstefnu.
Lagt er til að í  nefndinni séu frá S.S.S. Kristbjörn Albertsson og Jórunn Guðmundsdóttir og að farið verði þess á leit við heilbrigðisráðuneytið að tilnefna fulltrúa úr ráðuneytinu.
Gert er ráð fyrir að nefndin hefji störf sem fyrst og skili tillögum fyrir aðalfund S.S.S. sem verður í okt. n.k.

Kristbjörn Albertsson vék af fundi.

9. Skerðing á stuðnings- og/eða sérkennsla grunnskólanna (Framhald frá síðasta fundi).  Málið rætt.  Ákveðið að vinna áfram að málinu.

10. Samstarf sveitarfélaganna á Suðurnesjum -framtíðarskipulag.  Málið rætt.

11 Sameiginleg mál.
Rætt um stöðu atvinnumálaráðgjafa og tillögu M.O.A. um ráðningu.

Ákveðið að næsti fundur stjórnar S.S.S. verði 17. ágúst.

Fleira ekki gert og fundi slitið kl. 17.10.


Sig. Jónsson (sign.)    Hallgrímur Bogason (sign.)
Óskar Gunnarsson (sign.)   Drífa Sigfúsdóttir (sign.)
Jón Gunnarsson (sign.)    Guðjón Guðmundsson (sign.)
 

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar