703. fundur S.S.S 18.maí 2016

Árið 2016, er fundur haldinn í stjórn Sambands sveitarfélaga á Suðurnesjum miðvikudaginn 18. maí 2016 kl. 08:00 á skrifstofu S.S.S. Skógarbraut 945, Reykjanesbæ.

Mætt eru: Einar Jón Pálsson, Kolbrún Jóna Pétursdóttir, Guðmundur L. Pálsson, Ólafur Þór Ólafsson, Ingþór Guðmundsson og Berglind Kristinsdóttir sem
jafnframt ritaði fundargerð.

Dagskrá:.
1. Ársreikningur Sambands sveitarfélaga á Suðurnesjum 2015.
Guðni Gunnarsson endurskoðandi frá Íslenskum endurskoðendum kom á fundinn og fór yfir ársreikning Sambandsins ásamt endurskoðunarskýrslu.

Ársreikningur Sambandsins vegna ársins 2015 samþykktur samhljóða.

2. Sóknaráætlun Suðurnesja – Ímyndarverkefni.  Áfangaskýrsla nr. 1 frá H:N.
Lagt fram.

3. Bréf dags. 02.05.2016 frá Sambandi íslenskra sveitarfélaga v. vinnu við landsáætlun um uppbyggingu innviða – greining á uppbyggingarþörf.
Stjórn S.S.S. tilnefnir Eggert Sólberg Jónsson sem sinn tengilið vegna vinnu við landsáætlun um uppbyggingu innviða.

4. Bréf frá Sandgerðisbæ dags. 22.04.2016 v. Svarbréf vegna erindis, stoppistöð við Flugstöð Leifs Eiríkssonar.
Stjórn S.S.S. ítrekar beiðni sína til stjórnar Bílastæðasjóðs Sandgerðisbæjar um að fá upplýsingar um gjaldskrá sjóðsins.  Framkvæmdastjóra falið að vinna málið áfram og óska eftir fundi með forstjóra ISAVIA. 

Stjórn S.S.S. felur framkvæmdastjóra að senda formlegt erindi til stjórnar ISAVIA og óska eftir sambærilegri aðstöðu og önnur rútufyrirtæki við Flugstöð Leifs Eiríkssonar. 

5. Afrit af skýrslu frá Ríkisendurskoðun til Alþingis, dags. maí 2016, v. stuðnings við atvinnu- og byggðaþróun.
Lagt fram.

6. Tölvupóstur dags. 04.05.2016 frá Nefndarsviði Alþingis, beiðni um umsögn um frumvarp til laga um breyt.á lögum um Vatnajökulsþjóðgarð, mál. 673. http://www.althingi.is/altext/145/s/1101.html
Lagt fram.

7. Tölvupóstur dags. 04.05.2016 frá Nefndarsviði Alþingis, beiðni um umsögn um frumvarp til laga um breyt.á lögum vegna nýrrar skógræktarstofnunar, mál. 672. http://www.althingi.is/altext/145/s/1100.html
Lagt fram.

8. Aðalfundur Sambands sveitarfélaga á Suðurnesjum.
Stjórn S.S.S. leggur til að aðalfundur S.S.S. verði haldinn 14.-15.október með fyrirvara um alþingiskosningar.  Formanni og framkvæmdastjóra falið að vinna málið áfram.

9. Almenningssamgöngur.
Vegagerðin hefur úthlutað viðbótarstyrks til Sambands sveitarfélaga á Suðurnesjum að upphæð 10mkr. til að mæta hallarekstri síðasta árs.

10. Fundur með Samgöngunefnd.
Formaður og framkvæmdastjóri sögðu frá fundi með Samgöngunefnd Alþingis þar sem Samgönguáætlun var rædd. 

11. Önnur mál.
Stjórn S.S.S. tilnefnir Guðjón Guðmundsson sem aðalmann og Berglindi Kristinsdóttur til vara í stjórn Fisktækniskóla Íslands.


Fleira ekki gert og fundi slitið kl. 9:40.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar