677. fundur S.S.S. 6. júní 2014

Árið 2014, er fundur haldinn í stjórn Sambands sveitarfélaga á Suðurnesjum föstudaginn 6 júní, kl. 8:30 á skrifstofu S.S.S., Skógarbraut 945, Reykjanesbæ.

Mætt eru: Ásgeir Eiríksson, formaður, Gunnar Þórarinsson, Ólafur Þór Ólafsson, Bryndís Gunnlaugsdóttir Holm, Einar Jón Pálsson og Berglind Kristinsdóttir sem jafnframt ritaði fundargerð.


Dagskrá:

1. Almenningssamgöngur á Suðurnesjum.
a. Tölvupóstur dags. 03.03.2014 frá Hjálmari Árnasyni f.h. Keilis.
Gestur fundarins var Hafliði Jónsson frá VSÓ.
Tölvupóstur frá Keili lagður fram.
Hafliði fór yfir áætlaðan kostnað og tekjur af verkefninu miðað við stöðuna eins og hún er í dag.  Lögð var fram tímasett áætlun um samningskaupaferli.  VSÓ mun senda út drög að tímatöflum til stjórnar til yfirlestrar. 

Stjórn S.S.S. samþykkir veita VSÓ heimild til að hefja samningskaupaferlið.

2. Sóknaráætlun Suðurnesja – tillögur að verkefnum 2014.
Samkvæmt tölvupósti er barst landshlutasamtökunum var óskað eftir tillögum að verkefnum í Sóknaráætlun landshluta vegna ársins 2014.  Fram kom í tölvupóstinum að einungis heimilt væri að leggja fram verkefni sem væri í beinu framhaldi af þeim verkefnum sem unnin voru skv. sóknaráætlun 2013.

Stjórn S.S.S. leggur til að eftirfarandi verkefni verði hluti af Sóknaráætlun Suðurnesja vegna ársins 2014:
• Uppsetning á gestastofu Reykjanes Jarðvangs, framlag kr. 5.574.000,-
• Skapandi smiðjur, framlag kr. 3.500.000,-
• Starfsgreinakynning, kr. 600.000,-
• Bætt ímynd og efling sjálfsmyndar, kr. 500.000,-
• Efling fullvinnslu á sjávarfangi, kr. 1.000.000,-
Framkvæmdastjóra er falið að senda inn tillögurnar til stýrihóps Sóknaráætlana landshluta.

3.  Fundargerð Heklunnar nr. 36, dags. 24.05.2014.
Lögð fram.

4. Fundargerð Samstarfshóps um fluglest, dags. 12.05.2014.
a. Fluglestin, mat á hagkvæmni hraðlestar milli Keflavíkurflugvallar og miðborgar Reykjavíkur- skýrsla.
Lagt fram.

5. Fundargerð Menningarráðs Suðurnesja nr. 3, dags. 26.05.2014.
Lögð fram.

6. Fundargerð Vaxtarsamnings Suðurnesja nr. 17, dags. 07.05.2014.
Lögð fram.

7. Fundargerð Þekkingarseturs Suðurnesja nr. 10, dags. 06.05.2014.
Lögð fram.

8. Fundargerð ársfundar Þekkingarseturs Suðurnesja, dags. 06.05.2014.
Lögð fram.

9. Fundargerð Reykjanes jarðvangs nr. 10, dags. 25.05.2014.
Lögð fram.

10. Fundargerð Þjónustuhóps aldraðra nr. 90, dags. 29.04.2014.
Lögð fram.
Stjórn S.S.S. tekur undir bókun í þriðja lið fundargerðarinnar en þar er ítrekað að vöntun er á hjúkrunarrýmum í heilbrigðisumdæmi Suðurnesja.

11. Önnur mál.
Næsti fundur stjórnar S.S.S. verður haldinn föstudaginn 20. júní, kl. 8:00.

Ekki fleira gert og fundi slitið kl. 10:05.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar