676. fundur S.S.S. 21. maí 2014

Árið 2014, er fundur haldinn í stjórn Sambands sveitarfélaga á Suðurnesjum miðvikudaginn 21. maí, kl. 8:00 á skrifstofu S.S.S., Skógarbraut 945, Reykjanesbæ.

Mætt eru: Ásgeir Eiríksson, formaður, Gunnar Þórarinsson, Ólafur Þór Ólafsson, Bryndís Gunnlaugsdóttir Holm, Einar Jón Pálsson og Berglind Kristinsdóttir sem jafnframt ritaði fundargerð.

Dagskrá:

1. Ársreikningur Sambands sveitarfélaga á Suðurnesjum 2013.
Rúnar Dór Daníelsson endurskoðandi frá Deloitte kom á fundinn og fór yfir ársreikning Sambandsins ásamt endurskoðunarskýrslu.
Ársreikningur Sambandsins vegna ársins 2013 samþykktur samhljóða.

2. Almenningssamgöngur á Suðurnesjum, drög að útboðsgögnum.
Hafliði Jónsson, Ragnheiður Einarsdóttir og Einar Kristjánsson kynntu drög að útboðsgögnum fyrir stjórn Sambandsins.  Stjórn S.S.S. samþykkir að farin verði samningskaupaleið í útboðinu, ráðgjöfum falið að tilkynna um útboðið á Evrópska efnahagssvæðinu.  Framkvæmdastjóra falið að taka saman kostnað vegna leiðarkerfis, þ.m.t. framhaldsskólaaksturs í samvinnu við ráðgjafa.

3. Sóknaráætlun Suðurnesja, skil á verkefnum (frestað frá 674. fundi)
a. Samstarfsvettvangur námsráðgjafa í grunnskólum á Suðurnesjum 2013.
Framkvæmdastjóra falið að senda skýrsluna út til allra grunnskóla á Suðurnesjum.
b. Tækifæri í heilsutengdri þjónustu.
Lagt fram.  Stjórn S.S.S. vísar verkefnalista áfram til Heklunnar.

4. Landsskipulagsstefna 2015-2026 – umsögn Skipulagsstofnunar um framkomnar athugasemdir við lýsingu.
Lagt fram.

5. Afrit af umsögn Sambands íslenskra sveitarfélaga um umræðuskjal Póst- og fjarskiptastofnunar um framtíðarfyrirkomulag alþjónustu.
Lagt fram.

6. Erindi um endurbætur á Reykjanesbraut frá Samgöngufélaginu, dags. 10.04.2014 ásamt fylgigögnum.
Lagt fram.  Stjórn S.S.S. álítur að viðkomandi erindi sé ekki á verksviði stjórnar.

7. Bréf dags. 03.04.2014 frá Jöfnunarsjóði sveitarfélaga – tilkynning um framlag ársins 2014.
Lagt fram.

8. Fundargerð Þekkingarseturs Suðurnesja nr. 8, dags. 28.11.2013.
Lögð fram.

9. Fundargerð Heklunnar nr. 35, dags. 04.04.2014.
Lögð fram.

10. Bréf dags. 09.04.2014 frá Hreini Haraldssyni f.h. Vegagerðarinnar, v. beiðni um gögn vegna áfangaskýrslu.
Framkvæmdastjóri hefur nú þegar tekið saman umbeðin gögn samkvæmt beiðni Vegagerðarinnar og voru þau send Vegagerðinni þann 25.apríl s.l.

11. Bréf dags. 23.04.2014 frá formanni og framkvæmdastjóra D.S. fyrir hönd D.S., beiðni um viðbótarframlag.
Stjórn S.S.S. vísar erindinu áfram til hlutaðeigandi sveitarfélaga er standa að D.S.

12. Samningur um framlög til byggðarþróunar á Suðurnesjum árið 2014.
Stjórn S.S.S. hefur ekki athugasemdir við samninginn og felur formanni að undirrita hann fyrir hönd stjórnar. Jafnframt er framkvæmdastjóra falið að vinna tillögur að verkefnum vegna Sóknaráætlunar 2014.

13. Menningarsamningur 2014.
Stjórn S.S.S. hefur ekki athugasemdir við samninginn og felur formanni að undirrita hann fyrir hönd stjórnar.

14. Önnur mál.
Næsti fundur stjórnar verður mánudaginn 9.júní, kl. 17:00.

 

 

Ekki fleira gert og fundi slitið kl. 10:15.

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar