633. fundur SSS 14. nóvember 2011

Árið 2011, er fundur haldinn í stjórn Sambands sveitarfélaga á Suðurnesjum mánudaginn 14. nóvember  kl. 16.30 að Skógarbraut 945, Reykjanesbæ.

Mætt eru: Gunnar Þórarinsson, Bryndís Gunnlaugsdóttir, Ólafur Þór Ólafsson, Einar Jón Pálsson, Inga Sigrún Atladóttir og Berglind Kristinsdóttir sem jafnframt ritaði fundargerð.

Dagskrá:

1.  Kynning á stöðu flutningskerfis fyrir raforku á Reykjanesi. 
Gestir fundarins undir 1. lið eru Þórður Guðmundsson og Guðmundur Ingi Ásmundsson frá Landsneti og Oddur Ragnar Þórðarson fulltrúi sveitarfélagsins Voga.
Til máls tóku: Oddur Ragnar Þórðarson, Inga Sigrún Atladóttir, Þórður Guðmundsson, Gunnar Þórarinsson, Einar Jón Pálsson, Ólafur Þór Ólafsson og Guðmundur Ingi Ásmundsson.

2. Málefni fatlaðs fólks.
Gestir undir þessum lið er hluti af þjónusturáðinu þau Hjördís Árnadóttir, Kristín Þyrí Þorsteinsdóttir og Sigurður Kristófersson. Hjördís lagði fram drög að stefnumótun þjónusturáðsins.  Í framhaldi var umræða um þá fjármuni frá jöfnunarsjóðnum sem fylgja verkefninu.  Hjördís sagði frá þeim athugasemdum sem ráðið kom á framfæri við jöfnunarsjóðinn.  Umræður fóru fram um SIS matið, sambýlin á Suðurnesjum og málefni Ragnarsels. Fram kom hjá ráðinu að um 40 manns eru á biðlista eftir húsnæði. 

3. Bréf dags. 25.10.2011 frá Skipulagsstofnun varðandi Landsskipulagsstefnu 2012-2024.
Stjórn S.S.S. samþykkir að tilnefna Ólaf Þór Ólafsson sem fulltrúa í samráðsvettvanginn.

4. Tölvupóstur dags. 26.10.2011 frá Sambandi íslenskra sveitarfélaga varðandi Taiex fundi.
Kynningarfundur verður haldinn á Suðurnesjum miðvikudaginn 23. nóvember, kl. 15:00-18:30.  Fundarstaður er skrifstofa S.S.S., Skógarbraut 945.  Kynningarbréf hefur verið sent kjörnum fulltrúum á Suðurnesja með tölvupósti.


5. Tölvupóstur dags. 03.11.2011 frá Nefndarsviði Alþingis varðandi umsögn við frumvarp til laga um fólksflutninga og framflutninga á landi. 
Lagt fram.

6. Tölvupóstur dags. 28.10.2011 frá Sigrúnu Árnadóttur f.h. Sandgerðisbæjar vegna málefna Náttúrustofu Reykjaness.
Erindinu vísað áfram til fjárhagsnefndar S.S.S.

7. Bréf dags. 17.10.2011 frá Birni G. Jónssyni f.h. Gróðurs fyrir fólk í landnámi Ingólfs, beiðni um fjárstyrk.
Erindinu vísað áfram til fjárhagsnefndar S.S.S.

8. Fundargerð D.S., dags. 20.10.2011.
Lögð fram.

9. Málefni Markaðsstofu Suðurnesja.
Formaður sagði frá fundi sem hann átti með Markaðsstofunni.  Beiðni um fjárstyrk vísað til fjárhagsnefndar S.S.S.

10. Erindi frá Herdísi Sigurjónsdóttur, VSÓ ráðgjöf varðandi viðbragðsáætlun sveitarfélaga á Suðurnesjum.
Stjórn S.S.S. samþykkir erindið.

11. Önnur mál.
Stjórn Sambands sveitarfélaga á Suðurnesjum telur nauðsynlegt að funda með fjárhagsnefnd S.S.S sem fyrst.  Framkvæmdastjóra falið að óska eftir fundi.

 

Fleira ekki gert og fundi slitið kl. 19:00.
 

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar