564. fundur SSS 3. nóember 2006

Árið 2006, er fundur haldinn í stjórn Sambands sveitarfélaga á Suðurnesjum föstudaginn 3. nóvember,  kl. 08.00 á Fitjum.

Mætt eru:   Steinþór Jónsson,  Róbert Ragnarsson,  Oddný Harðardóttir, Óskar Gunnarsson, Guðjón Guðmundsson framkv.stj. og Jóhanna M. Einarsdóttir.

Dagskrá:


1.    Bréf dags. 17/10 ´06 frá Landssambandi slökkviliðs- og sjúkraflutningamanna (LSS) ásamt ályktun.  Stjórn SSS fagnar ályktuninni.

2. Bréf dags.  19/10 ´06 frá Sigmundi Eyþórssyni, slökkviliðsstjóra B.S. þar sem óskað er eftir viðræðum um leiðréttingu og endurskoðun á ákvæðum ráðningarsamnings. Ákveðið að Steinþór Jónsson, Róbert Ragnarsson og Oddný Harðardóttir muni ræða við slökkvistjóra.

3. Bréf dags. 30/10 ´06 frá  Umhverfisráðuneytinu þar sem óskað er eftir að SSS og SSH tilnefni 1 aðalmann og 1 varamann í Samvinnunefnd miðhálendis. Tilnefndur Guðjón Guðmundsson.

4. Bréf dags. 19/10 ´06 frá Félagsmálanefnd Alþingis ásamt frumvarpi til laga um lögheimili og skipulags- og byggingarlög, 200. mál, óheimil skráning lögheimilis í frístundarbyggð. Lagt fram.

5. Bréf dags. 19/10 ´06 frá Félagsmálanefnd Alþingis ásamt frumvarpi til laga um gatnagerðargjald, 219. mál, heildarlög. Lagt fram.

6. Bréf dags. í október ´06 frá afmælisnefnd F.S. þar sem óskað er eftir fjárstuðningi við útgáfu kynningarrits.  Stjórnin samþykkir kr. 300.000.- tekið af liðnum “sérstök verkefni”.

7. Drög af samningi um úrvinnslu rannsókna á högum og líðan ungs fólks innan Sambands sveitarfélaga á Suðurnesjum. Stjórnin samþykkir samninginn sem tekur yfir rannsóknir fyrir árin 2006, 2008 og 2010, kostnaður hvert ár er 1.295.000.-  og bundin vísitölu neysluverðs.

8. Kjör fulltrúa í nefndir á vegum samstarfsins. Rætt um tilnefningar í nefndirnar, afgreiðslu frestað til næsta fundar.

9. Fjárhagsáætlanir sameiginlega rekinna stofnana árið 2007.
Árni Sigfússon formaður Fjárhagsnefndar SSS kynnti tillögur  Fjárhagsnefndar SSS að fjárhagsáætlunum sameiginlega rekinna stofnana árið 2007 ásamt fundargerðum nr. 214 til 216. Fundargerðir Fjárhagsnefndar SSS nr. 214 til 216 samþykktar. Stjórnin samþykkir tillögurnar fyrir sitt leiti og vísar tillögunum til afgreiðslu sveitarstjórnanna1

10. Sameiginleg mál.
Að beiðni stjórnar eru  lögð fram drög að svarbréfi Ásbjörns Jónssonar hdl. varðandi kröfu Löggarðs ehf. frá 14/7 2006.  Eftir ítarlega umfjöllun hafnar stjórn SSS  með sömu rökum og forsendum og tryggingafélag sambandsins gerir.  Lögmanni falið að tilkynna Löggarði ehf. niðurstöðuna.

Fleira ekki gert og fundi slitið kl. 10.20
 

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar