373. fundur SSS 16. febrúar 1995

 Árið 1995 er fundur haldinn  í stjórn Sambands sveitarfélaga á Suðurnesjum fimmtudaginn 16. febrúar kl. 16.00.

Mætt eru: Hallgrímur Bogason, Sigurður Ingvarsson, Drífa Sigfúsdóttir, Björk Guðjónsdóttir, Óskar Gunnarsson, Jón Gunnarsson, Guðjón Guðmundsson og Jóhanna M. Einarsdóttir ritari.

Dagskrá:

1. Tillaga Fjárhagsnefndar S.S.S. að fjárhagsáætlunum sameiginlega rekinna stofnana fyrir árið 1995. - Fyrri umræða.
Jóhanna Reynisdóttir, Sigurður Jónsson, Sigurður Valur Ásbjarnarson og Jón Gunnar Stefánsson fulltrúar í Fjárhagsnefnd S.S.S. sátu fundinn undir þessum lið.  Formaður Fjárhagsnefndar S.S.S. kynnti tillögurnar.  Einnig voru lagðar fram fundargerðir Fjárhagsnefndar S.S.S. 109 - 117. fundur.

2. Málefni D - álmu.
Stjórnin ræddi um þá töf sem orðið hefur á því að ganga frá samkomulagi milli sveitarfélaganna á Suðurnesjum og ríkisins varðandi viðbyggingu við Sjúkrahús Suðurnesja.  Stjórnin telur nauðsynlegt að þegar verði gengið frá málinu og felur starfsnefnd sinni, sem sá um samninga við ríkið, að ýta á eftir málinu.  Jafnframt skorar stjórnin á þingmenn kjördæmisins að beita sér í málinu.
Senda til fjármálaráðherra, heilbrigðisráðherra og þingmanna kjördæmisins.


Fleira ekki gert og fundi slitið kl. 17.15.
 

Undirflokkur:

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar