Fréttir

Aðalfundur Sambands sveitarfélaga á Suðurnesjum verður haldinn daganna 14.-15. október n.k.  Fundurinn verður haldinn í Sveitarfélaginu Garði að þessu sinni.  Dagskrá verður send út um leið og hún er tilbúin.  Vinsamlega takið tímann frá.

Vetraráætlun Strætó á Suðurnesjum - Nemakort - 16. ágúst 2015-

Vetraráætlun tekur gildi þann 16. ágúst 2015 á Suðurnesjum. Nýju tímatöflurnar eru komnar á pdf staeto.is. Helstu breytingar eru eftirfarandi:

Leið 55
o   Mun aka Hringbraut í síðustu þremur ferðunum á kvöldin í átt til FLE, þ.e. í ferðum kl. 19:23 frá Umferðarmiðstöð, kl. 21:55 frá Firði og kl. 23:55 frá Firði.
Í þessum ferðum bætast því við biðstöðvarnar Hringbraut/Knattspyrnuvöllur, Hringbraut/Norðurtún og Hringbraut/Melteigur.

Jafnréttissjóður auglýsir eftir umsóknum um styrki

Auglýst er eftir umsóknum um styrki úr Jafnréttissjóði árið 2015. Í samræmi við hlutverk sjóðsins verða veittir styrkir til rannsókna sem tengjast jafnréttismálum.

Gert er ráð fyrir að sjóðurinn hafi 15 milljónir króna til ráðstöfunar til styrkúthlutana í ár og að styrkir séu ekki færri en þrír og ekki fleiri en fimm.

Sjá nánar hér á vef forsætisráðuneytisins.

Almenn framlög vegna þjónustu við fatlað fólk á árinu 2015

Innanríkisráðherra hefur samþykkt  tillögu ráðgjafarnefndar Jöfnunarsjóðs sveitarfélaga um endurskoðaða áætlun um úthlutun almennra framlaga vegna þjónustu við fatlað fólk á árinu 2015. Gert er ráð fyrir að ráðstöfunarfjármagn sjóðsins til greiðslu framlaganna verði 10.700 m.kr. en endanleg framlög ársins 2014 námu rúmum 10.180 m.kr. Hækkun áætlaðra framlaga á árinu 2015 nemur því 5,1%

Sjá nánar hér á vef Innanríkisráðuneytisins.

Óskað eftir tilnefningum til verðlauna á Degi íslenskrar náttúru

Umhverfis- og auðlindaráðuneytið auglýsir eftir tilnefningum til tvennra verðlauna sem afhent verða á Degi íslenskrar náttúru, 16. september næstkomandi. Annars vegar er um að ræða Fjölmiðlaverðlaun umhverfis- og auðlindaráðuneytisins og hins vegar Náttúruverndarviðurkenningu Sigríðar í Brattholti.

Óskað er eftir tilnefningum til beggja viðurkenninga í síðasta lagi 16. ágúst 2015

Nánari upplýsingar hér á vef Umhverfis-og Auðlindarráðuneytisins.

Uppbyggingarsjóður úthlutar í fyrsta sinn

Uppbyggingarsjóður Suðurnesja úthlutaði í fyrsta sinn í gær styrkjum til 35 verkefna á Suðurnesjum fyrir samtals 45 milljónir króna.
(sjá einnig á vef Menntamálaráðuneytisins)

Umsóknarfrestur í safnasjóð

Síðasti skiladagur umsókna um viðurkenningu úr safnasjóði, rennur út 31. ágúst 2015.  Aðeins viðurkennd söfn önnur en söfn í eigu ríkisins geta sótt um rekstrarstyrki til sjóðsins. Öll viðurkennd söfn geta sótt um styrki til skilgreindra verkefna. Frekari upplýsingar um viðurkenningu safna er að finna hér.

Opið fyrir umsóknir í Endurmenntunarsjóð grunnskóla

Á vef Sambands íslenskra sveitarfélaga hefur verið opnað fyrir umsóknir í Endurmenntunarsjóð grunnskóla vegna endurmenntunarverkefna skólaárið 2015-2016
(1. ágúst 2015 – 31. júlí 2016).Umsóknarfrestur er til og með 1. júní 2015.

Þeir sem hyggjast standa fyrir endurmenntun fyrir kennara og stjórnendur grunnskóla geta sótt um framlög úr sjóðnum, þar á meðal grunnskólar, skólaskrifstofur, sveitarfélög, símenntunarstofnanir, félög, fyrirtæki og aðrir.

Sumaráætlun Strætó á Suðurnesjum

Sumaráætlun tekur gildi þann 7. júní. Helstu breytingar eru eftirfarandi:

Leið 55

Kemur 2 mínútum fyrr á biðstöðvarnar Vogaafleggjari, Grindavíkurafleggjari, Tjarnarhverfi, Skógarbraut, Keilir og Bogabraut á leið frá Firði til Reykjanesbæjar og 1 mínútu fyrr á Njarðvíkurtorg. Þessar breytingar hafa ekki áhrif á heildarferðatíma leiðarinnar.

Biðstöðin Blikavöllur við FLE breytir um nafn í Kjóavöll og FLE mun skiptast í tvær biðstöðvar, FLE – Koma og FLE – Brottför.

Uppbyggingarsjóður framlengir umsóknarfrest

Frestur umsókna í  Uppbyggingarsjóðs Suðurnesja hefur verið framlengdur til 11. maí kl. 16:00.

Uppbyggingarsjóður er samkeppnissjóður og hlutverk hans er að styrkja menningar-, atvinnu- og nýsköpunarverkefni, auk annarra verkefna sem falla að sóknaráætlun landshlutans. Sjóðurinn styrkir að jafnaði ekki meira en 50% af heildarkostnaði verkefna.

Umsóknareyðublöð ásamt öðrum gögnum sem umsækjendur þurfa á að halda við ritum umsóknar eru aðgengileg hér

Uppbyggingarsjóður Suðurnesja

Samband sveitarfélaga á Suðurnesjum, Atvinnuvega- og nýsköpunarráðuneytið og Mennta- og menningarmálaráðuneytið hafa gert með sér samning um Sóknaráætlun Suðurnesja sem gildir frá árinu 2015 til 2019.

Pages

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar