Fréttir

Aðalfundur Sambands sveitarfélaga á Suðurnesjum verður haldinn daganna 14.-15. október n.k.  Fundurinn verður haldinn í Sveitarfélaginu Garði að þessu sinni.  Dagskrá verður send út um leið og hún er tilbúin.  Vinsamlega takið tímann frá.

Tímamót í fjárhagslegum samskiptum ríkis og sveitarfélaga

Samkomulag vegna markmiða um afkomu og efnahag sveitarfélaga árin 2017-2021 var undirritað 18.apríl af fjármála- og efnahagsráðherra, innanríkisráðherra og Sambandi íslenskra sveitarfélaga. Samkomulagið markar tímamót í fjárhagslegum samskiptum ríkis og sveitarfélaga og byggir á nýjum lögum um opinber fjármál.  Í þeim er kveðið á um nýjar áherslur þar sem horft er á opinber fjármál sem heild og áhersla lögð á að tryggja gott samspil opinberra fjármála og hagstjórnar.

Styrkir á sviði fiskveiða, fiskeldis og framleiðslu sjávarafurða

COFASP ásamt ERA-Marine biotechnology, sem eru evrópsk samstarfsnet (ERA-net) um fiskveiðar, fiskeldi og framleiðslu sjávarafurða og tengdri líftækni, auglýsa eftir forskráningu umsókna.  Frestur til að skrá umsóknir er til 22. apríl 2016.

Lýst er eftir umsóknum með áherslu á eftirtalin svið (lýsing viðfangsefna á ensku):

Lýðheilsusjóður óskar eftir umsóknum um styrki úr sjóðnum

Lýðheilsusjóður óskar eftir umsóknum um styrki úr sjóðnum til heilsueflingar og forvarna á sviði áfengis- og vímuvarna, tóbaks-varna, næringar, hreyfingar, tannverndar og geðræktar.

Umsóknarfrestur er til og með 25. apríl 2016 og skal sótt um á vefsvæði Lýðheilsusjóðs.

Sjá nánar auglýsingu (PDF)

38 verkefni hlutu styrk úr Sprotasjóði skólaárið 2016-2017

Sprotasjóður er sameiginlegur fyrir leik-, grunn- og framhaldsskóla og er hlutverk hans að styðja við þróun og nýjungar í skólastarfi.

Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2016-2017. Alls bárust 129 umsóknir til sjóðsins og var heildarupphæð umsókna rúmar 300 millj. kr. Veittir voru styrkir til 38 verkefna að upphæð rúmlega 60 millj. kr.

Endurmenntunarsjóður grunnskóla

Á heimasíðu Sambands íslenskra sveitarfélaga auglýsir stjórn Námsleyfasjóðs eftir umsóknum í Endurmenntunarsjóð grunnskóla vegna endurmenntunarverkefna skólaárið 2016-2017. Umsóknarfrestur er til og með 25. apríl 2016.

Þeir sem hyggjast standa fyrir endurmenntun fyrir félagsmenn í Félagi grunnskólakennara (FG) og Skólastjórafélagi Íslands (SÍ) geta sótt um framlög úr sjóðnum. Stjórn sjóðsins hefur ákveðið að allt að þriðjungi ráðstöfunarfjár verði úthlutað til verkefna sem tengjast:

Úthlutun úr Framkvæmdasjóði ferðamannastaða

Ragnheiður Elín Árnadóttir, iðnaðar-og viðskiptaráðherra hefur staðfest tillögu stjórnar Framkvæmdasjóðs ferðamannastaða um úthlutun vorið 2016. Um er að ræða 66 styrki til verkefna hringinn í kringum landið, en sérstaklega var horft til öryggismála. Alls nema styrkir til einstakra verkefna tæplega 596 m.kr. en 51. m.kr. verður úthlutað sérstaklega af ráðherra ferðamála til brýnna verkefna vegna öryggis á ferðamannastöðum að tillögu Stjórnstöðvar ferðamála. Hæstu einstöku styrkirnir eru 30 m.kr. og eru veittir fjórir slíkir; til verkefna við Dynjanda, Geysi, Skaftafell og Dettifoss.

Málþing um jafnrétti í sveitarfélögum

Samband íslenskra sveitarfélaga stendur fyrir málþingi um jafnrétti í sveitarfélögum á Grand hóteli í Reykjavík,  31. mars og 1. apríl nk.

Fyrirlesarar eru:

Anna G. Björnsdóttir, sviðsstjóri þróunar-og alþjóðasviðs Sambands íslenskra sveitarfélaga

Birgitta Anderson og Lillemor Harnell, sérfræðingar hjá sænska sveitarfélagasambandinu (SKL)

Eiríkur Björn Björgvinsson, bæjarstjóri á Akureyri.

Birgir Björn Sigurjónsson, fjármálastjóri Reykjavíkurborgar.

Byggðarstofnun - Brothættar byggðir

Byggðastofnun hefur uppfært verkefnislýsingu fyrir Brothættar byggðir.  Byggðastofnun var með stefnumótandi byggðaáætlun fyrir 2014-2017 falið að halda áfram með verkefnið Brothættar byggðir. Markmið aðgerðarinnar er að stöðva viðvarandi fólksfækkun í smærri byggðakjörnum og í sveitum landsins. Í verkefnislýsingunni er gefin forskrift að framkvæmd þess í einstökum byggðarlögum. Auk þess sem umgjörð og stöðu verkefnisins er lýst.

Umhverfisviðurkenningin Kuðungurinn 2015

Úthlutunarnefnd á vegum umhverfis-og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári er þess verðugt að hljóta umhverfisviðurkenninguna Kuðunginn fyrir árið 2015. Óskað er eftir því að stutt greinargerð fylgi með tilnefningunni. Fyrirtæki og stofnanir geta bæði tilnefnt sig sjálf eða verið tilnefnd af öðrum. Tillögur skulu berast umhverfis-og auðlindaráðuneytinu eigi síðar en miðvikudaginn 23. mars nk.

Óskað eftir tilnefningum um handhafa Landstólpans

Á ársfundi Byggðastofnunar sem haldinn verður í Miðgarði í Varmahlíð föstudaginn 15. apríl n.k. verður í sjötta sinn veitt viðurkenning undir heitinu „Landstólpinn – Samfélagsviðurkenning Byggðastofnunar“.

Landstólpinn er veittur einstaklingi, fyrirtæki eða hóp/verkefni á vegum fyrirtækis eða einstaklinga, fyrir framtak sem vakið hefur athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags.

Pages

Sveitarfélagið Garður
Grindavíkurbær
Reykjanesbær
Sandgerði
Sveitarfélagið Vogar